Hilobia oinezkatzeaz akiturik
Bere burua jaso du gauaren azaleraino
Erresakak zangopeko hondarra jan dio
Esperantzak erretira egin duenean
Bestela hil behar omen zukeen gazte honek
Lekukorik gabe borrerorik gabe oihurik ez
Konsignarik gabeko harrotasuna du
Bere buruaz beste egin gabe jaso du burua
Erresakak zangopeko esperantza jan dionean
Bestela hil behar zukeen gazte honek
Diote duintasuna hiztegietan bilatu behar dutenek
Baina gazte hil behar zukeen honek
Haur bat zen azkenak afusilatu zituztenean
© Koldo Izagirre