Pozaren erdia
Pozaren erdia
2022, poesia
88 orrialde
978-84-19570-01-7
Azala: Nagore Amenabarro
Harkaitz Cano
1975, Lasarte
 
2023, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
1994, poesia
 

 

OBJEKTUEK BIZIRAUNGO GAITUZTE
(ETA ZER?)

 

 

Anna Akhmatovak aipatzen ditu biziraungo

gaituzten luma, kaier…, finean, objektuak

—tauparik ezari esker minez gabetuak—,

belaunaldiz belaunaldi dagitenak txango.

 

Iraun, bai. Ez dute, ordea, txintik esango

trukean, isiltasun mineralak hartuak.

Harri bihurtzean dio egia santuak?

Zelan zen bera, eternitatea zelango?

 

Baztertutako objektua nahi dugu leitu:

zer dio hersturaz uhal abandonatuak?

Liburuki azpimarratuetan, zer pleitu?

 

Egiaz, arnasa hartzeak dauka meritu:

hilkorra aletzen hilezkortasun kontuak,

natura hilena begiak berpizten baitu.