Pozaren erdia
Pozaren erdia
2022, poesia
88 orrialde
978-84-19570-01-7
Azala: Nagore Amenabarro
Harkaitz Cano
1975, Lasarte
 
2023, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
1994, poesia
 

 

BOLATOKIA

 

 

Zenbat ordu, bolatokian denbora galtzen.

Eskolarako borondatea aski ahula,

handiegi guretzat hiriko xake-taula;

zelai apalagoak genituen bilatzen.

 

Futbolinean sutsu —billarrean ez bazen—,

fluoreszenteen pean ginen, kasik, Drakula;

bazterreratzen genuen zeruko azula,

Tetrisean desamodioa enkajatzen.

 

Han ere ez zen falta astia non gal, non itoa:

futbolari-brotxetak besorik gabe daude,

ase ezina da nerabeen apetitoa.

 

Sisiforen baloia durundika badoa

gerra bila; alde banatan, bina basurde:

hamaika hamaikaren kontra, infinitoa.