Pozaren erdia
Pozaren erdia
2022, poesia
88 orrialde
978-84-19570-01-7
Azala: Nagore Amenabarro
Harkaitz Cano
1975, Lasarte
 
2023, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
1994, poesia
 

 

POZAREN ERDIA (I)

 

 

Hegaldatzen ez dena aurrez abisatu gabe.

Birsortu dezakezuna suge-azal gisa,

eta azal litekeena berdin arnasa

hartuz, edo bistatu hutsez enara konklabe

 

xaloa zelan urruntzen den hotzez herabe.

Maitaleen portu? Iheslariaren nasa?

Norberak hautatu beza norantz egin dantza.

Datorrena, betor; gaur ez gara haren mirabe.

 

Erdi horren jabe izateak du axola;

zati iheskorra baietz zuganantz berez jausi,

marrazterako kontradantzaren parabola.

 

Poza da deus egin gabe ebazten den auzi.

Begiratu ilargiari: ikusten nola

ilgorak, erditik, osorantz dagien jauzi?