Bildumaren zerrendara itzuliIdazle beraren beste lanak


LIBURUARI BURUZKO
KRITIKAK


 

BETAZALAK ERAUZTEAN

 

Desagertu egiten zara

ispiluaren aurrean

margotzen zaren bakoitzean

 

Orduan zeu zara hizpide

zeu zara laudorio

ez duzu parekorik

 

Amak ez daki nor zaren ez zarenean

are gutxiago ispiluaren aurrean

margotzen zaren bakoitzean

 

Zuri begira daude esamesak

zutaz mintzo dira begiradak

zu izateko suizidatu dira

nortasun agiriak

 

Baina horrek guzti horrek

ez dizu deus balio

lekukorik ez badago

 

Soilik begiak itxitakoan

itzultzen zara zeugana

betazalak erauztean

 

 

 

© Gotzon Barandiaran

 


www.susa-literatura.eus