Bitsa eskuetan
Bitsa eskuetan
2010, poesia
96 orrialde
978-84-92468-23-2
azala: Arrate Rodriguez
Miren Agur Meabe
1962, Lekeitio
 
2013, nobela
2000, poesia
 

 

UDAKO AFARIA

 

Aurtengo udan belarritakoak galdu ditut auto batean,

aurrena bat, gero bestea, biak gau berean.

Biharamunean neukan ontzi baten bela

sabelaren ordez; eta izenaren ordez, tatuaje bat

(zeruan diseinatua, infernuan bedeinkatua).

Baita urrakada bat ere titi batean.

 

Ilargia aldatu egin zen gauerditik laurak artean,

ardotik zilarrera: zisku bat, erdia plasma, erdia nitrato.

Kristalak lausotu ziren, oilarrak birritan jo zuen,

atzazal bat apurtu zitzaidan, ezpainak denak zolitu.

Nire sosten berria, enkajezko txotxongilo gorria,

ezker besotik zintzilik denbora guztian.

 

Gaztetxoa naiz, eta laburra da bizitza.

Haragia murtxikatzen dut, jatun,

neska handi-handia egiteko.