Bitsa eskuetan
Bitsa eskuetan
2010, poesia
96 orrialde
978-84-92468-23-2
azala: Arrate Rodriguez
Miren Agur Meabe
1962, Lekeitio
 
2013, nobela
2000, poesia
 

 

HOTZAREN ORDUA

 

Goizeko lauretan antzigarrak tu egin dit begietan.

Ezpainak almohadan ur-negar beltza.

 

Galtzerdiak ipini dizkiot. Oinak bero ditu oraindik.

Irribarre egin didala begitandu zait.

 

Hileta-etxekoek txirrina jo dute zortzietan.

Ez dut berriz gorputz hau ukituko.

 

Emazkidazue bendak eta karea, ukenduak eta terrakota.

Estali gorpua gatzez.

Erraiak erauzi behar dizkiogu lehenik.

Egin diezaiogun, hortaz, zulo bat saihetsean.

Ekarri ontzi bat non odola isuri.

 

Larrosaren eta galburuaren andrea dugu hau.

Presta dezagun merezi duen bezala.