Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2016, nobela
2012, nobela
 

 

AMESGAIZTOA

 

Haurrekin amets egin dut gaur ere,

gerrako haurrekin.

Automobil batean zihoazen

muga zeharkatzeko asmoz, nagusirik gabe,

bakarrik, gidatzen ere doi-doi zekitela.

Gurasoek, etsiturik,

nahiago zuten haurrak auto-istripuz hiltzea

egunero bonbek urratzen duten hirian baino.

Ihesi zihoazen, halabeharrak utzitako

azken aukera profitatu nahian.

 

Esnatzeko eginahalak egin, baina

behin eta berriz hondoratzen nintzen

amesgaizto hartan.

Beti amets bera.

 

Haurrekin egin dut amets. Gerrako haurrekin.

Neu ere haurra nintzen. Eta ihes egiten genuen,

mugarantz, kantari:

«Nora goaz? Ez dakit!

Nora goaz? Gu pozik!».