Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2016, nobela
2012, nobela
 

 

LEHENAGO BEZALA

 

Batzuetan iragana

oraina bihurtzen da.

Ezer gertatu ez balitz bezala

Deitu ahal banu zeurera.

 

Itzul gaitezke atzean

utzitako bideetara?

Jakin daiteke

behera eta behera goazela

hondoa jo arte?

 

Non zaude maitea?

Non dago argia?

Lehenago bezala

kanta belarrira.

 

Gogoan hartu ume haiek

bainatzen zubipean.

Gogoan hartu esan nizkizun berbak

egiazkoak zirela.

 

Zenbat aldiz alda gaitezke?

Zenbat aldiz hobera?

Ba al dakizu zer izan zen benetan

urrundu gintuena?