Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2016, nobela
2012, nobela
 

 

VOLGA

 

Apirila. Urtu da Volga ibaiko izotza.

Hasi dira nabigatzen baporeak

hilabete lehenago gurdiak igaro ziren leku beretik.

Anton Txekhov Sajalin-era abiatu da. Irla kartzelara.

Ezetz esan dio amak, ezetz esan dio anaiak.

Argi dauka ordea berak:

Izena jarri nahi dio infernuari.

 

Abendua. Txekhov iritsi da Moskura.

Ama eta anaia joan zaizkio bila.

Fardelak dakartza paperez beteta.

Baina bere begiak nekatuegi daude,

lauso urdin batez estaliak,

egunen joanari ezin eutsi dion

izotz kapa leun batez beiratuak.