Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2016, nobela
2012, nobela
 

 

BIDAZTIA SORTERRIAZ MINTZO DA

 

                        Betiko aberri galduaren

                        oroimen urruna. Ez dakigu

                        noiz galdu genuen: atzo ala bihar.

                                                  Sophia de Mello

 

Gure desertuan ez da harearik.

Metalezko hesia zeharkatu eta

autopistan futbolean jolasten duten

mutil koxkorrak badira.

 

Gure itsasoan ez da urik.

Mila zaldi urdin ziren uhinak.

Mila soldadurekin batera

eraman zituzten behin.

 

Gure desertuan ez da harearik.

Baina bada harresi erraldoia,

ezin ikusi dugun arren, hurretik,

oso hurretik inguratu gaituena.

 

Gure itsasoan ez da urik,

ez eta iraganaren uberarik.

Etorkizunak hondartzan dautza

malkoz eta ispilu hautsiez izorra.

 

Gure desertuan ez da urik.

Gure itsasoan ez da harearik.