Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2016, nobela
2012, nobela
 

 

LOREN

 

Lehorreratu dira ontziak,

korrikan doaz umeak.

Lorenek gorriz du ilea,

oinetan takoiak.

 

Cocacolakin whiskya eta

elur malutak patrikan.

Hari segiko dionik ez da

jaio mundu zabalean.

 

Nola egin duzu, esan diote,

soineko hori josteko?

Oihal beltzean klarion zuriz

izarrak marraztu ditut.

 

Min egiten du ipar haizeak

ene aurpegian.

Min egiten du

sortu ez den mundu berriak.