Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2016, nobela
2012, nobela
 

 

SUPERMERKATUAN

 

Bonbardaketak hasi direla jakin arren

ez dut aparteko zalapartarik antzeman

supermerkatuan. Jendeak ez ditu gurdietan

esnea, patatak, arrautzak eta olioa pilatu.

Ordaintzeko ilarara heldu orduko

kutxazainaren berriketari irribarre egin dio

nire aurreko gizonak: «Egunon».

 

Bi magrebtar sartu direnean

eurei begira geratu gara denok.

Zalaparta bat-batean: poltsa apurtu

zaio gizonari, eta firrilaka joan dira fruituak.

 

Madari mailatuen zauriak ezin dira itxi.