Gurutzifikatuaren itzala
Gurutzifikatuaren itzala
luzeegia da, astuna,
kristauek beraiek
ezin omen dute jasan
hainbeste zama;
guztioi, eguzkipean paratzerakoan,
jarraikitzen digu gurutzearen itzalak,
hegazti ilun eta mehatxagarri horrek.
Umiliazio haundi baten historia,
garrasiak harrien artean,
urre eta miseria;
ezin da onartu hainbeste oinaze
arrazoiaren zapalkuntza hutsa bezala,
malkoak begietan, gurutzadak,
esklabutasuna,
Ama Birgina, usoa,
beheko zorigaitza deuseztarako.
Zitalkeria salatzen dut gaur,
gizakiaren alde nagoelako;
itsasoak, belardiak,
oinak eta bihotza
dira jainkoak.
Jainkoa da andrea.
Eta gizakien gainean inor ez.
Harea, lur idorra,
bide amaigabeak
herriak elkartzekotan.
Eta euskal gauean, sorginak.
© Joakin Balentzia