Ezpainetako hezedura
Hezedura, ezpainetako hezedura:
goikoak eta behekoak. Goikoetan
nire mihia aise ohartzen da
hezetasuna dariela,
fruitu gozo bat dastatzen bezala.
Behekoen hezetasuna bere begietan,
bere pilpira berezian,
bere antsian
isladatzen dela somatzen dut;
bere gorputz osoak oihukatzen du
atea irekia duela,
sartzera gonbidatuz.
Baina desiraren jokua luzatzeko asmoz
astiro-astiro sorbalda,
izterrak, ile kirimilatuak
laztantzen dizkiot eta,
hondarrean, aztertzen dut
heze duen sarbidea.
Hezedura, ezpainetako hezedura.
© Joakin Balentzia