OINOHARRA
Amarrurik gabeko argazki bat. Neska batek
ibaia zeharkatzen du aingeru baten laguntzaz.
Neskatila trentzadun alaia, barre egiten duena
argazkia berreskuratzean oroituko ez duen zerbaitez
eta ez duena imajinatu ere egiten
zer den gainera datorkiona.
Eta halere oroitzen duena
bera zela argazkiko trentzadun alaia
eta argazkian negarrez egotea nahiago lukeena,
baldin horrek argazkirik gabeko etorkizun batean
gogoratzeko moduko arrazoietan oinarritutako
zoriona ekarriko balio.
© Harkaitz Cano