ORRATZ ALDAKETA
Abandonatu zintuen azken neskak ahazturik
utzi zituen tiranteak
tinkatu zenituen besoan.
Bi trenbide ezbehar gertatu berri ziren
abiadura gehiegiagatik
eta zu piko bat sartzera zindoan telebistako albiste
bagoi deskarrilatu
eta kazetari intziri-eragileen aurrean.
Iturri ofizialek giza akatsa eta orratz aldaketa okerra
jotzen zituzten hondamendiaren sorle.
Nik asko zekiat giza akatsez, pentsatu zenuen.
Nik asko zekiat orratz aldaketez, asko
pentsatu zenuen.
Kontuz ibili beharra dago
gaitz txarren bat harrapatuko ez baduzu.
© Harkaitz Cano