• Sismografia
  • Dardaren interpretazioa
  • Lumazko ohea
  • Zorrak
  • Haize eza revisited
  • Kimioterapia
  • Albisteak
  • Poesia fikzioa da
    (baita zera ere)
  • Zubia
  • Aurresentipena
  • Beltzarana txirrina jotzen ari da eta zu
  • 12 sardinzahar lehenbailehen kontsumituak izateko
  • Orratz aldaketa
  • Ez ginateke hondoratuko aparraitzezkoak bagina
  • Hurkoa maitatzeko era arraroa
  • Momentua
• Sute-eskaileretan bizi direnak
  • Topa egitea proposatzen zuena
  • Maiakovskiren eskailera
  • Teilatuetan lan egiten duen jendea
  • Gorpu lapurrak
  • Familia erretratua
  • Astronautaren emaztea
  • Zoo ilogikoa
  • Ijitoak
  • Perlarik ez
  • Hasberria
  • Paul Klee
  • Boris Vian, Truman Capote, zu eta biok mahai baten inguruan
  • Basquiat
  • Zoo ilogikoa 2
  • Van Gogh
  • Zoo ilogikoa 3
  • Erregurik kontuan hartu ez ziotena
  • FGL
  • Sylvia Plathen lehengusina
  • Oinoharra
  • Dardaren interpretatzailea
  • Cul de sac
• Brooklynerako hirugarren irteera
  • Gizon bat korrika lur hartze pistan
  • Buzoiak dira nire aberria
  • Gospel meza bat (koiotearen alde)
  • Elurretan idatzia
  • Abenduak 29 eta hotzak jota
  • Zentrifugatua
  • Presa ordua L linean
  • Williamsburgeko zubia egiteko iltzeak nondik atera dituzten
  • Dardaren interpretazioa 2
  • Encuentra la muerte mientras buscaba su ropa
  • Steer clear of the closing doors

 

ERREGURIK KONTUAN HARTU EZ ZIOTENA

 

Inoiz izan ez dudan alabak berdin heltzen dio

koilarari eta arkatzari

eta marrazten duenean elikatzen da,

eta bazkaltzen duenean orein berdeak marrazten ditu

oraindik betazpietako hobietatik

lurra atera ez diotenaren pozarekin.

 

Inoiz izan ez dudan alaba gauero etortzen zait ohera,

gabon esan eta muxu ematen dit masailean.

Loak hartzen nauenean inoiz izan ez dudan alaba

bere gelan giltzapetzen da

eta inoiz izan ez dituen panpina guztiak

konbokatzen ditu. Eta konbokatzen ditu

nik orain zenba ditzakedan hegazkinak

eta euriaren begiak, martxoko egun epelak.

 

Esnatzen naizenean

inoiz izan ez dudan alabak alde egin du jada

munduko Gernika guztietan erraustutako eskoletarantz,

sekula oparitu ez nion bizkar-zorroa lepoan hartuta.

 

Eta Boris Vianek kaxoietan

edateko zerbait bilatzen duen bitartean

ni geratzen naiz

behinola sukalde izan zen egoitza honetan

sekula ez existitu izanaren

kontsolamendu hala-moduzkoarekin.

 

 

 

© Harkaitz Cano

 

www.susa-literatura.eus