Bildumaren zerrendara itzuli Idazle beraren beste lanak

LIBURUARI BURUZKO
KRITIKAK
EROSI LIBURUA
E-BOOK FORMATUAN

 


 

ARRAINAREN EGARRIA

 

Ez negarrik egin. Har zaitzala xeruenak,

zure izenari bainarik aterako ez dionak,

olatu-erdi zer den dakien batek,

almibar bihurtzen zaituen hitza esan diezazunak.

 

Edonork balio dizu. Edonorentzat balio duzu.

Merke eskaintzen zara.

 

Atzo bere urtebetetzea.

Eulitzar bat pausatu zen zure leihoan.

Ez du alde egin oraindik.

Hori ere zure epelaren apopilo.

 

Barikuak eztanda egin du alkitranezko burbuilaz

lur toilak zapalduz zure tripetan.

Otso batek arbia errun zizun bular artera,

fosforozko pusla barnehutsak.

 

Eta zu hor. Ahoa ireki, ahoa itxi.

Arrainaren egarria zurea.

 

 

 

© Miren Agur Meabe

 


www.susa-literatura.eus