• LA VIE EN ROSE
• Definizioa
• Zisnearen kantua
• Urrunago igeri
• Gaza grisa
• Locus amoenus
• Ituna
• Piztuera
• Uraren estratak
• Patti Smith Rimbaudekin ametsetan
• La Jolie Filleren automitologia
• Debekuaz
• Besteak
• Erretratua
• Bigarren bizitza
• Hamazazpi lerrotan ez esateko eskaera
• Hutsaren begia
• Jardin botanique
• Salmoa
• Geranioaren minipoetika
• HAREAREN GERIZA
• Hegaldia
• Inurria (1)
• 727. gelako besaulkia
• Galdera
• Hotzaren ordua
• Au clair de la lune
• Isiltasunaren geografia
• Inurria (2)
• Hobia
• Umezurtza
• Hutsmina
• Ostera laburra
• Kluba
• L'art de mourir
• L'art de vivre
• ZAPITXO INTIMOAK
• Gaua eta gatza
• Eskua
• Aluko biloa
• Kaladun logela
• Baratzeko deia
• Arrainaren egarria
• Ametsetako ura
• Hitzordua
• Bisita
• Mamuaren eskea
• Hatzetan geratzen dena
• Eolia
• Udako afaria
• Plaisir d'amour
• Ametsetako gatza
• Mahai-jokoa
• Antena
• Une danse de follie
• Laburpena
• Zapitxo intimoak
• Entropia

 

 

727. GELAKO BESAULKIA

 

Esan niolako ez zitzaidala

727. gelako besaulkia ahaztuko,

tristuraz egin zuen irribarre.

Plastikoz tapizaturiko etzangarri hartatik

oinazearen xehetasunei behatzen ahal nien:

erizainei deitzeko tinbreari,

ur-botilari mahaitxoan,

larrosa gorriari eta galburu artifizialei

(prohibido traer a esta unidad flores,

plantas o cualquier especie vegetal

por el riesgo de producir alergias),

abanikoari, betaurrekoei, estanpa bati,

gazei eta kartoizko palanganei,

(kronometroak ekartzen zizkidaten gogora),

oin hanpatuei bata berriaren azpian narras,

hatz zurbilei sueroaren makilari sakaka

gurutze bati lez.

Eskutik helduta egoten ginen arratsaldeetan,

ni besaulkian kuzkurtuta.

Halatsu, goizaldeko orduetan ere komunetik bueltan,

korridorean leiho beltza baizik ez zenean,

besaulki hura nuen aterpe,

beldurra maitasunean diluituz

sentimenduak kategorizatzeko.

 

 

 

© Miren Agur Meabe

 

www.susa-literatura.eus