Bildumaren zerrendara itzuli Idazle beraren beste lanak

LIBURUARI BURUZKO
KRITIKAK
EROSI LIBURUA
E-BOOK FORMATUAN

 


 

ALUKO BILOA

 

Igandea apiril pozoituan.

Aitortu zizun, zure eskua bere eskuetan hartuta,

prest zegoela zu besarkatzeko,

jartzeko zeuk tokia eta eguna.

 

Hostoak jolasean zebiltzan terrazan.

Ez zintuela maite, hori esan zizun,

baina desio zintuela

eta bazekiela zer den basamortua.

 

Biluzik ikusiko zaitu gaur lehen aldiz.

Belaunak tolestu dituzu, burua makurtu.

Artaziak eskuan, dudan zaude.

 

Ebaki duzu bilo pixka bat.

Aztertu dituzu ezpain jada hezeak.

Ile zuriak, kanak.

 

Atea ireki duzu gero.

Sartu zara logelan.

Lore zuriak, kalak.

 

 

 

© Miren Agur Meabe

 


www.susa-literatura.eus