GARAIZ BESTEKO IKARAK

Jadanik desargi den eguna agurtuz

irri egiten dit

mila mendetako gauen jitoan

datorren istorio bizar-zuriak.

Maisu, zer gertatzen da hil ondoren?

Ez dakit!

Zu ez al zara bada jakintsua?

Bai, baina ez nago hilda!

Han zaudenean, jakinen duzu

zer dagoen han.

Orain hemen zaude, eta zaude erne,

hori da eta daukazun ondare bakarra.

Ez aurreratu asmoak,

ez atzeratu begirada,

denbora egia dela sinestea baita

gogoaren gaixotasuna.

© cc-by-sa Pako Aristi