Bildumaren zerrendara itzuli


LIBURUARI BURUZKO
KRITIKAK

EROSI LIBURUA
E-BOOK FORMATUAN

AZALA

 


 

ABIATZEKO ORDUAN

 

Ez epaitu besteen akatsak;

aldiz, baliatu zeureak

hobeto ezagutzeko.

Zaindu zure usteak,

zeure buruari

kontatzen dizkiozunak,

bizitako zorigaitzari buruz

dugun iritzia

sarritan

mingarriagoa baita

zorigaitza bera baino.

 

Eta lagunen bat,

etxekoren bat

zurekin haserretzen bada

ez kezkatu,

ez da ezer pertsonala;

euren heldutasuna lortzeko

ezinbestez

jarraitu behar zuten

bidea baino ez baitzara.

Terapia bat

aurkitu dute zuregan

haiek hobeto bizi daitezen.

Onar ezazu sakrifizioa.

Lore baten petaloa

jausten denean

unibertso osoa ikaratzen bada,

onar ezazu duintasunez

zure galera.

Harentzat ez zara lore bat baino gehiago.

 

Zoaz, abia zaitez

eta bizi

bideak eskainiko dizun guztia;

ez dezazula esan zahartzaroan,

etxeko leihotik mundu osoa

ikus daitekeela

zioenaren hitzak

ulertzera iristen zarenean,

«bizitza» deitu zuten

opari eder hura

zaborretara bota zenuenik.

 

 

 

© cc-by-sa Pako Aristi

 


www.susa-literatura.eus