Bildumaren zerrendara itzuli


LIBURUARI BURUZKO
KRITIKAK

EROSI LIBURUA
E-BOOK FORMATUAN

AZALA

 


 

IGARO ETA GERO

 

Begien aurrean neukan

euriaren lixiba

izotza desegiten

baina nik ez nuen ikusten.

 

Begien aurrean neukan

itsasoa belaontziari

bere kondena irakurtzen

baina nik ez nuen entzuten.

 

Begien aurrean neukan

erlojuaren lorratzetatik

denbora ihes egiten

baina ni lo egoten nintzen.

 

Begien aurrean izan ditut

beste begi batzuek

infinitua eskaintzen

baina nik ez nien sinesten.

 

Begien aurrean

igaro zait dena

baina ezer ikusi gabe

horra hor nire pena!

 

Begien aurrean

izan dut gogoa,

arrailduz argiezkilaren

amets hondoa.

 

Begien aurrean edertasuna,

kolore trazarik edo

hitzik erantsi gabe

ezin laudatu nuena.

 

Itsu egon naiz

dena bere horretan

eta mirespen hutsaz dena

ikusten ikasi nuen arte

begien aurrean.

 

 

 

© cc-by-sa Pako Aristi

 


www.susa-literatura.eus