MADRIL, LUIS EDUARDO AUTE HIL DA

tekla beltzon estigmatik

gau baten gontzak akorduan

diosala egin eta laztan bat

nahi diot utzi

izar hotzak loretan

lekuko hartuta diot

eskura jarri zaizkidala

mundu printzatu honen piezak

eta behar dudala laster

nirea ez den beste bihotz bat

akitu aurrez gauzen musika

nire autarkiaren ukoan

ari naiz egiten lagapena:

gure kale jotzen nituenak

lorategiak erlauntzak

inurri-habiak

maite dudan jendearen

gorputzak izenak atariak

arau onartuen aurka

beste mundura igorri

metafora bidez baizik

ez dakit agurtzen hildakoak

aktibista deportatuek

dakartzate ostenduta gau oskarbiak:

noiztik iraungi dira bizitza paraleloak

eta maitasun tangenteak

iraultza digitalari lotu gintzaizkion

on izateari utzi zionetik jainko analogikoak:

orain mirespen otzanez

gurtzen ditut makinak

urgentziaz behar dut

nirea ez den beste bihotz bat:

maitasun paraleloak

bizitza tangentzialak