Landura
Landura
2022, poesia
96 orrialde
978-84-17051-92-1
Azaleko irudia: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

BERRESTE ALDERAKO ISURIA

 

 

mustu dezagun aldi berri bat nahi bada:

ez dira sobera aldatuko bizimoldeak

bide ematearren orain inaugurazio irritsei,

lehen harriaz bat gure aurrekoen ikatz eta kutunekin

gaurko berripaperei ematen bazaie lur

ez da gertatuko konpon ezin denik

ez guztizko soluziorik,

iragan zartatu batek pertsonak eta primadera

beste molde batez hartzeko baina

lagun dezakeenik nork uka

 

profeziak aratz irakurtzen ditut albistegietan:

jende txiroaren gosearekin janaritu izan da usu miseria,

eta humanitatearen aldiko porrotik tarteko ez balitz

ez luke hain garaitza ankerrik lortuko beti kapitalak

 

arte itzaltsuen abaroan urrunera begira nahi dut jarri

ahaztu gabe neure ondokoekin,

jendetasun doia eskatzen du mundu honen jirak

eta elkar ulertzeko eran izendatzea ezinbestekoak:

zoruan txindurri ilarak hegazkinik gabeko ortzia

ahoan gerezi hezur bat eta

ogia denontzat