Bildumaren zerrendara itzuli


LIBURUARI BURUZKO
KRITIKAK


 

PROCESS ART: POEM Nº 1

 

Lehen: Aurreskua dantzatu. Ez badakizu, aldez aurretik dantza talde batean izena eman, matrikula ordaindu, klaseak jaso, jarrera ona eduki ikastaroan.

 

Bigarren: Egunkariko Zuzendariari sailean zure iritzi-artikulu bat argitara dezaten lortu. Mundu islamdarrean emakumeak pairatzen duen egoera salatu.

 

Hirugarren: Zauden zaudeneko objektuak baliatuz, Eusko Gudariak interpretatu eskuen perkusiozko kolpeen laguntzaz. Gogoan izan amaierako Gora Euskadi Askatuta! Gora! ere interpretatu behar dena.

 

Laugarren: Aurreko operazio bera baina Internazionala-rekin, eskuen ordez oinak erabiliz eta Gora Euskadi Sozialista! Gora! erreproduzituz amaieran.

 

Bosgarren: Liburua irakurtzea amaitu eta birziklatzera bota.

 

(Arestiko bost puntuak ordenan, segidan eta zintzotasunez osatuz gero, abracadabra, Arte Lan bat sortzen da, autoria zehatzik gabea, sortzaile-hartzaile logikaren kontrakoa, efimeroa, konprometitua, antiakademikoa, antikomertziala, antitaurinoa, antinuklearra, antimilitarra, antibiotikoa, antiklinala, abracadabra, antisorgailua.)

 

 

 

© cc-by-sa Beņat Sarasola

 


www.susa-literatura.eus