Kapital publikoa
Kapital publikoa
2014, poesia
104 orrialde
978-84-92468-64-5
azala: Xabier Gantzarain
Jose Luis Otamendi
1959, Azpeitia
 
2019, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

URTEMUGA

 

gaur hamabost urte

lurrean zuloa egin eta

aita sartu genuen

gero lurra berdindu eta

harrezkero gainean bizi gara

 

ez ginen aurrenak izan

ez gara bakarrak

—seguru gauzak

konpon zitezkeela

beste modu batera

baina ez genuen jakin nola—

 

milioika jende bizi da

gure antzera

larri maiz

inoiz ezaxola edo pozik

gurasoen hilobiaren gainean

 

denok maite dugu bakea

eta edertasuna

—seguru gauzak

konpon zitezkeela

beste modu batera

eta ez genuen jakin nola—

 

gaur hamabost urte

lurrean zuloa egin eta

aita sartu genuen

baina ahaztu egin zitzaigun

haren ondasunak lurperatzea