Kapital publikoa
Kapital publikoa
2014, poesia
104 orrialde
978-84-92468-64-5
azala: Xabier Gantzarain
Jose Luis Otamendi
1959, Azpeitia
 
2019, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

ORTZIAN IRAKURLE

 

arboladipean etzanda

hodei zuriak ikusten dira adar artean joaki:

beste herriak daude jendea lanean

kosta bazterrak sukaldeak

eta bururatzen zait zuhaitz adarrok

gerri bati lotuak daudela eta

gerriok sustraiek josita dauzkatela lurrera

bestela joango liratekeela airean gora hegalari

eta orduan txoriek besoak behar lituzketela

eta hegazkinek gurpilen gainean ibili

statu quo honi eskerrak ez balitz...

 

belar gainean etzanda

hodeiak ikusten dira pasatzen eta

burura datorkit beste garai batean bizi ote garen jada

joan zen denbora batean dudala gogoa oraindik

eta aldi berri honek zer dakarren ez dakit

ez bada haize-uhin arinen gainean

historiaren aro batetik bestera izurde urtetsu legez

geu garamatzala egun beti berdinen bestondotik ihesi