Kapital publikoa
Kapital publikoa
2014, poesia
104 orrialde
978-84-92468-64-5
azala: Xabier Gantzarain
Jose Luis Otamendi
1959, Azpeitia
 
2019, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

HERDOILA LODI

 

erabaki politiko sendoak hartu ditut gaur:

barre aire batean ibili naiz ibai bazterrean

baitezpada xede bakoitzari bere urratsa esleitu beharrez

 

zuhaitzek hostoetan irakurriz ziharduten

firfira jostari gisa ulertu dudan hizkuntza berrituan:

eztarri marrantatua dute orrien arima hilduratuek

 

«fabrika hustua» zerbaiten izenburu begitandu zait

bide ertzean hildako satorra

ukitu ez ukitu egon naizenean:

hain leuna behar du bakardade horren belusak...

 

maiz eskaintzen diet maitetasun handiagoa

ortzi bikortsuaren itxura aldaketei

etxeko zaharren memoriari baino:

eta hori kapitalismoa da

 

gutun laburra utzi dut emakume baten begirasunean

deserritar batek atoan egingo lituzkeen galderez:

besteren gorputzetan arren

gureak dira gau-minak inoiz

jaulkitzen dituen zinkurinak

 

hain hotza sumatuko du nik igurtzi ezean hitzen azala...

lau dobletan tolestuko dut egunkaria

albiste larriak albiste xeheak

amari lotarakoan esateko gero

 

uste dut gaur ere ez dugula

elkarri agindu genion lurra merezi izan