Kapital publikoa
Kapital publikoa
2014, poesia
104 orrialde
978-84-92468-64-5
azala: Xabier Gantzarain
Jose Luis Otamendi
1959, Azpeitia
 
2019, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

GORDETZEKOAK

 

urteotan guztiotan bizi izan dugunaren

testigantzak gordeko dira

agiriak erregistroak oin oharrak

inoiz atzokoa eta gaurkoa

izan zirela jakin dadin eta

egunok gu bezalako jendeak

bizi izan zituela ikas dezan

oraindik mamitu gabeko orainak

 

pauso txikian igarotzen genituen

sasoi bateko laborri arteko geltokiak

—nola Ezkaba nola Miranda nola Gürs—

eta gerokoak...

bazirela igande arratsak

banketxeen bulegoen aurretik paseatzen

ematen zituztenak

diruaren demokrazia amets

—nola lurra nola libertatea—

baziren porrot egiten zuten maitasunak

pertsona zangopilatuak

hiltzen uzten ziren mintzoak

—nola harriak nola zuhaitzak—

eta balek inoren lokiak zulatzen zituzten unean

eta hebaindutako gorpuen aitzinean

artean ia dena konpon zitekeela uste genuela