VIII
mortuan
ortzea dabil dilindan ortzaizean
mortuan
sablean marrazten diren nere hatzak
desegiten ditu
hegotik altxatzen den haize latzak.
mortuan barna nabil
eta
nehor ezta ageri
mortuan,
mintzatu nahi nuke
eta
nehor ezta ageri
mortuan.
mortuan
urratsez-urrats izerdiak itotzen nau
hotzak hezurrak bihurrikatzen dizkit
mortuan
geroaz damutuko naiz bihar...
© Itxaro Borda