I
ikasten ari garen ikasle suharrak
hemen gabiltza berriro
zigarroak errez eta solas ederrez
nazioaren elita formatuko dugunak
lasaiki mintzatzen...
maixuak berak izugarri onak ditugu,
asko dakite
diploma handiak dauzkate.
gogo segurtatuz
beren jakitatea
partekatzen digute...
unibertsitateko patioan hemen!
ez dago lohirik
ez dago errautsik
ez dago zikinik
ez dago iraultzarik
ez dago trasturik
unibertsitateko patioan hemen...
suerte gaitzaren umeak garela
sinets arazi nahi digute,
nazio ospetsuaren historiagile
zuzenenak garela erranez.
© Itxaro Borda