III
Zetaz kargatu kameluen urrats hurriak segitzen nituen
lurrean ehortzi ilusioen zergatietan
gero eta barnago gorde nahian:
ulertzen ez nuen hizkuntza arrotzean
pentsatzen hasi nintzen.
Zelai orlegietan gauero merkantariek suak pizten zituzten.
Haien solas legunek lasaitzen ninduten loak hartu arte...
Zoriontsu nintzen azkenean
zetaz kargatu kameluen karabanak
hegoaren mugaraino segitzen nituelarik...
© Itxaro Borda