V

 

euri artean nabil lasterka

hatsaren hutsa nahian hartu

belar bustian bide bazterka:

normalekilan behar dut sartu.

 

gau ametsetan lasterka nabil

leize hegian hatsa hanturik,

marrumak dio: «hutsera habil

hemen eztagon bizi kanturik!».

 

lasterka laster ihes iheska

amets erretan bai ziloraino

hilen orroak adizkin neska

negar eginen duken oraino...

 

 

 

© Itxaro Borda

 

www.susa-literatura.eus