VIII
bermeo bermeo
edo
izaro
itsasoari so
berme oh!
santa eufemiaren malda gazian
ozeanotik ixurtzen diren
bermeoko karriketan barna
galaxia osoa maita dezaket.
manuasko pinudi erreetan behera
matxitxakoraino
lerratzen dira
nere sentimenduen zango bihurriak.
bakioko festetan edan txakoliaz
eta
kubalibrez zoraturik mundakan
o ilargiaren gorritasuna!
gaztelugatxen nago eremu mugikorren
ur ttanttak
zuhurki kondatzen...
bermeo bermeo
edo
itsasoari so...
© Itxaro Borda