Tundra
Tundra
2002, poesia
88 orrialde
84-95511-52-5
azala: Borja Estankona
Igor Estankona
1977, Artea
 
2009, poesia
1998, poesia
 

 

EZEZAGUNARI

 

Zerurik gabe hegazkinean zatozen hori,

plazan pertsona bik elkar agurtzen duten bitartean

hegaldatzen diren lau kurloietatik bizi zarena:

niri ere haragi bizitik pasatzen didate goldea.

Estokak burdina bezain gogor

estutzen ditut ukabilak.

 

Gaztea dirudizu,

ni ere hala naiz;

gazteegiak gara

gogora gaitzaten.

 

Zerurik gabe hegazkinean zatozen hori,

eguzkia lanpetuta dabil itsasoa argitzen.

Mizpiraren bost hezurrak bezain gogor

estutzen ditut ukabilak.

 

Gaztea dirudizu,

ni ere hala naiz;

gazteegiak gara

gogora gaitzaten.

 

Zerurik gabe hegazkinean zatozen hori,

mirets dezagun errealitatea

benetan zer den jakin arte.

Egin ezazu keinu ulertezin bat

ni bezalako batentzat.