Tundra
Tundra
2002, poesia
88 orrialde
84-95511-52-5
azala: Borja Estankona
Igor Estankona
1977, Artea
 
2009, poesia
1998, poesia
 

 

AZKENETAN ESANA

 

Hainbeste kanoidun hainbeste ontzik

inguratzen banau eta bozgorailuetatik

«ez dugu errendi zaitezen nahi» esaten badidate,

zer ulertu behar dut nik,

nire irlan gauerdia bada eta

ezkuta bat itzali eta bestea piztu orduko

iluntasunean banago?

 

Zertarako balio du ez arduratzeak,

arrain sardetan antolatutako ispilu talde hauek

arrotz eta garbi eta esanezinezko moduan

zeharkatzen badute nire begien lehenengo geruza?

 

Zer ulertu behar dut nik,

«bai, sinesten dizugu» esaten badidate,

baina zoro bati begira baleude bezala badiote,

eta orain, momentu honetan, ezin badiet frogatu

zuhaitz sasibitxi bat ikusten dudala

dena laburtu eta zentzuz betetzen duena?