ABERDEEN LAUSOTUTIK

Aurpegia ukitzen badidazu,

errekara eramango nauzu kanaberen artetik.

Ura gure galderak garbitzen ari dela esango didazu,

eta ez dizut eskua berriro irakurri beharko,

han, kanaberen iluntzeko gerizpe luzearen azpian,

urari entzunez gure galderak garbitzen.

Izarrek zerua herdoilduko dute astiro eta

goizean umeak etorriko dira kanaberen artetik.

Presaka jantziko gara,

ni zurekin joango naiz eta zu, azkenean,

nirekin geratuko zara.