Tundra
Tundra
2002, poesia
88 orrialde
84-95511-52-5
azala: Borja Estankona
Igor Estankona
1977, Artea
 
2009, poesia
1998, poesia
 

 

OHARKABEAN, GU

 

Esku ernari bat luzatuz

esnetan bustitako goizei,

erreka honek, aspaldi, jaten eman zigun.

 

Labana ez da azalaren ondoan jar daitekeen hitz bat.

Nahiz eta labana hilda egon,

ez da azalaren ondoan jar daitekeen hitz bat.

 

Huntza hezurretatik edanez igo zitzaigunean ere,

irribarre egin genuen. Pozik itxaron genion

gibelean garatuko zen tipulari.

 

Gero geuk eman genion errekari jaten.

Errekak, hunkiturik, gure seme-alabak aukeratu zituen.

Ordutik dauka haranak forma hau.