HIRU KORTSE, AZUKRE ASKO
ETA BRANDY GEHIEGI

 

 

Hiru kortse, azukre asko eta brandy gehiegi 2021eko urriaren 31n estreinatu zen, Azpeitiko Soreasu antzokian.

 

 

Lantaldea:

 

Aktoreak / Zuzendaritza / Testua: Erika Olaizola, Iraia Elias, Amancay Gaztañaga.

Zuzendaritzan bidelaguna: Espe Lopez.

Jantziak: Barbara Rasso.

Argiztapenaren diseinua: Miriam Ubanet, Ana Da Graça.

Teknika: Imanol Garcia.

Zuzeneko soinu banda: Amancay Gaztañaga.

“Izaki berria” kanta: Odei Barroso.

Ilustrazioa eta kartela: Idoia Beratarbide.

Irudigintza: Kulturaz kooperatiba.

Banaketa: Goizane Barroso eta Kamikaz Kolektiboa.

Ekoizpena: Kulturaz kooperatiba.

 

 

Pertsonaiak:

 

Oholtzan hiru aktore: Iraia Elias, Erika Olaizola eta Amancay Gaztañaga.

 

Aktore bakoitzak pertsonaia ezberdinak jokatuko ditu:

emakume 1

emakume 2

emakume 3

iraia

amancay

erika

joshua

nigel

hander

paul

sadguru

 

 

Espazio eszenikoa:

 

      Oholtza gainean, lurrean, zuriz delimitatuta bi karratu, bat bestearen barruan. Proszeniotik gertu dagoenari Errealitatearen Eremua deituko diogu, eta barruan dagoenari Fikzioaren Eremua.

      Errealitatearen Eremua: Iraia, Erika eta Amancay, aktoreak laugarren pareta apurtuz arituko dira bertan gertatzen den guztia bat-batekoa balitz bezala jokatuz, publikoari zuzenean hitz eginez. Gune honetan, biolina, mikro bat eta looper bat egongo dira. Eszenan entzuten den musika bertan sortu eta bertatik jarriko da. Eremu honetan aktoreek beraien euskalkietan hitz egingo dute.

      Fikzioaren Eremua: Errealitatearen Eremuaren barruan dago. Bertan agertuko dira pertsonaia fikzionatuak, emakumeen mundua eta gizonen mundua irudikatuz.

      Gizonen pertsonaiak ile-apaindegiko gizon-buruekin jokatuko dira.