KOMUNAREN LURRALDETASUNA
Lurraldetasunarekin
oso eskuzabala izaten ari naiz.
Eta zu ez zara soilik
komisario politiko bat,
badakit.
Komun zikin hau
bilo bilduma bat baino gehiago da.
Hemen ikasi nuen
burusoiltasuna onartzen.
Hemen dastatu zenituzten
menopausiaren zurikeriak.
Eta nire itsustasuna
gerrian metatutako gantza
eta aurpegiko pikorrak
baino egiturazkoagoa da.
Defentsa eskubidea ez da aukeretarik bat.
Eta Gandhi
oso bortitza zen,
hilik ere izutu egiten nau,
haren aldean katakumea da Dzierzynski.
Eremua ez da suntsitzen ahal
bolborarik gabe,
ezin da olerki hau erre
artezilariekin.
© cc-by-sa Hedoi Etxarte