Egunen batean
Gure bideak elkartzen direnean
Ez dizut ezer esanen
Isildu eginen naiz
Ezpainek badakite zer den gauzen hasiera
Itzuliko naiz
Oraindik ahoskatu gabeko egunetara
Noizik gabeko gauetara
Egunen batean
Kalean gurutzatzen garenean
Zure begietan aterpetuko naiz
Ez dut adio hitza gehiago ezpainetaratuko
Egunen batean
Oraingoz ordea
Gu elkarren oroimenean bakarrik bizi gara
© Mikel Ibarguren