Itsasbeherak berarekin eraman du gaua
Eta zure bozaren bila nabil
Maskor galdu bat balitz bezala
Plaza eta kale guztietan barrena ibili naiz
Egunak joan egunak etorri
Ene deiadarrak mendeak eta mendeak zeharkatu ditu
Eta deika ari natzaizu
Antzinatik datorkidan dei honekin
Oihu zuria gesaltzen ari den arren
Zer egun den axolarik ere ez dion
Egun izengabe honetan
Eskaileretan jesarrita naukazu
Poesia hau aldaba baita:
Zure atean jotzen dut behin eta berriz
Baina ez du inork irekitzen
Itsasbeherak gaua eraman du berarekin
Eta hondar bustian ez da zure izenik
© Mikel Ibarguren