Bildumaren zerrendara itzuliIdazle beraren beste lanak

 


LIBURUARI BURUZKO
KRITIKAK

 

Bizitza honek lau ertz ditu

Lau ertz ditu ene pentsamenduak ere

Eta denboraren diktadurak

Geroaren aldabak apurtu dituelarik

Zure ametsaren sabelean bizi nahi nuke

Gaulehenaren abaraska batean bezala

Astunak dira hitzezko katebegiok

Eta ene hatz joriak oihu egiten dizu

—Ez da izanen oldar gehiagorik—

Min du ene garrasi geunak

Eta egunsenti urratu berriak

Gau iluna zauritu du

Leiho-burdina herdoilduek

Ene sentimenduak atzamarkatu dituzte

 

Eta jada ez gara atzo bezalakoak

 

 

 

© Mikel Ibarguren

 


www.susa-literatura.eus