Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

MUTAZIOAK

 

haur izan nintzela ez zait atzendu

nahiz sinesgaitza gertatu egun

noizbait ume izan ginela:

gure adina gure larderia

zimurren eta girgilen zizelatze neketsu hori

 

infinituraino ekarri nahiko nuke

iraganminik gabeko begirada

aldiro berritzen dena

hodeiertza

luzerako indarra duen poza

paretan jartzen duzun argazki ederra

urtaro bakoitza amoroste banatan iragazia

kristalezko bakardadea

barruko arnasetara bildu nahi eroa:

ez gara inoiz haur ginenean

bezain bakarrik egon

horren ginen zaurgarri eta krudel

baina ezin dugu haurtzaroa atzendu

 

sinetsidazue

ni ere haur izan nintzen

eta urteotan

pendiz baten urruntze kalkulatuaz

haurrak izutzeko mamu ari naiz bihurtzen