Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

LEHOINABAR BURGESTUA

 

haginlari herri batean bizi naiz

ez geure ahoa beste banderarik

ez demaseko itxaropenik

bada hilerri bat urtaroen lekuko

eta euria kristalaren kontra

garbitzen duten autoaren eskuilak

 

harlauza bustiak zanpatuz egiten dut lanerako bidea

jende ezaguna adeitsu agurtuz

eta etxera heltzen naizenean

botako ditut giltzak mahai gainean

erantziko ditut kaleko arropak

eta jarriko naiz ordenagailu aurrean

 

gogorra izan da! diot

lehoinabar arin zauritu bat gehiago

besterik ez naiz orain

hileko soldata garaiz helduko zaion kezkarekin