Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

SEI HILABETEKO ATSEDENA

 

sei hilabeteko atsedena agindu die haginlariak

ahoko hortzei haginei zuloei

orduan ekingo omen diegu

asmo ausartagoei

goragoko helburuei

protesi txiki bat hemen

azal berria hor

zubiak eusgarriak

zundatze eta betetze lanak

aro berri baterako aho berria

 

uste dut poz eman nahi zidala

geroari buruz arreta erne

eta ingeniarien atzera ezineko

itxaropena txertatu niri ere

tunelaren begi biek

bat egingo dutelako fede itsu hori

 

konplimenduzko irribarrea

itxuratzen saiatu naiz

ez dadin zapuztu

ekindako lanaren neurriarekin

—lagunaren ahoa

antzoki bateko dekoratu bihurtzearen ederra—

eta prima dona baten sentierarekin

esan diot baietz saiatuko naizela

sei hilabete sei urte sei mende barru itzultzen

aho itsustuen geriza bustian eutsiko diodala

itzultze eternoaren kausa nobleari