Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

BILAKETA

 

zure azal zatia heldu zait

gutun batean:

altxor baten mapa da

eta hurbildu beharrez

urrundu egiten nau

 

argazki zahar bati bezala

begiratu dizut arratsean

zein bakarturik nabilen

ekarri didazu begien aurrera

zu aldiz oraindik ibaiaren eta

beste gauza askoren ondoan zaudela

 

lot nazazu iman batez

hozkailuko atean

han zabalak dira eremuak

aise kabituko da

nire irritsen eldarnio kartografikoa

 

kartazalean helbidea idatzi dut

keak hartutako herrialde bateko

etxabea imajinatu dut:

atarian ni zure ondoan nago

haragi bizian daukazu besoa

baina gu beste batzuk gara