Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

GAZTIGUA

 

inoren mesedeko gerta ledintzat

nire inguru gertuan jazotzen ari diren

eraldaketa gaitzen berri eman nahi diot munduari:

azkenaldion ez nabil boladan

mekanikaren eta optikaren legeekin

jendea gero eta sarriago jartzen da

nire ikusmenetik hara

eta dutxapetik irten eta lehortzeko

besoekin iristerik ez daukadan

gorputzeko atal eskuraezinak

orban ilunak bezala ari zaizkit zabaltzen

 

makurtzen hasten naizen orduko

beti urrunagora joaten tematzen dira nire oinak

hatzen eta behatzen arteko kidego behiala sakon hura

gaztaroko oroitzapen lauso bihurtzeraino

eta urrin esne mindu bezalakoa...

hala ere beldur naiz

iraultza seinale hauek guztiok

oker handiagoen atariko ez ote diren

eta ondorioz etor litezkeen gertaera larrien

jendaurreko ohartarazpena egiteko ardura zibikoa

betetzat jotzen dut honenbestez